Urologu strugan heq gurin më të madh në dy dekada, nga fshikëza urinare e një pacienti

Së fundi është bërë virale në rrjet një video e një operacioni në fshikëzën urinare realizuar në  Qendrën Klinike Universitare “Nënë Tereza” në Shkup. Stafi mjekësor kanë arritur të largojnë nga fshikëza urinare e pacientit një gur rreth 8 cm.

Lajmin e ka bërë të ditur ish-zëvendësministri i Shëndetësisë dhe ish-drejtor i spitalit të Strugës, urologu Asim Musa në profilin e tij në Facebook.

Sipas Musës, ky gur konsiderohet një nga gurët më të mëdhenj të larguar nga fshikëza urinare në 20 vjetët e fundit.