Reshjet e dendura të borës gjatë natës kanë paralizuar linjat ajrore dhe hekurudhore në jugun e Gjermanisë, duke lënë të bllokuar mijëra udhëtarë.
Të gjitha fluturimet u ndaluan në aeroportin e Mynihut, deri në orën 6 të mëngjesit të së dielës. Autoritetet e aeroportit thanë:
“Paagjerëve u këshillohet që të mos udhëtojnë në aeroport sot dhe të kontrollojnë statusin e fluturimit të tyre me kompaninë e tyre ajrore përpara se të udhëtojnë për në aeroport nesër”.
Moti i ashpër, i cili pritet të vazhdojë, ndërpreu edhe shërbimet hekurudhore në Bavari. Shërbimet rajonale dhe në distanca të gjata drejt dhe nga qendra kryesore e transportit u pezulluan përkohësisht, duke përfshirë lidhjet me qytetet austriake të Salzburgut dhe Innsbruck-ut. Pasagjerët në Mynih dhe Ulm duhej të kalonin natën në trena.
Edhe ndeshja e Bayern Munich kundër Union Berlin u anulua për shkak të reshjeve të mëdha të borës të shtunën.
LIVE RADIO
~ Marmo Fix ~
