Mëngjese të ftohta në fillim të javës, pastaj do të ketë rritje graduale të temperaturave

Moti sot do të jetë me diell dhe me vranësira të vogla deri në mesatare lokale. Do të fryjë erë e lehtë nga drejtimi veriperëndimor. Temperatura minimala do të jetë në interval prej 8 deri 16°C, ndërsa maksimalja  prej 19 deri 27 gradë°C.

Në Shkup do të mbajë mot me diell, me vranësira të ulëta deri në mesatare lokale. Do të fryjë erë e lehtë nga drejtimi veriperëndimor. Temperatura minimale do të ulet deri në 8°C, ndërsa maksimalja do të arrijë deri në 25 gradë.

Sipas DPHM-së, do të vijojë periudha e motit të qëndrueshëm me rritje të temperaturave ditore, përveç të mërkurës ku priten reshje të rrëmbyeshme lokale të kohëpaskohshme me paraqitje të bubullimave. Temperaturat e mëngjesit do të jenë më të ftohta në fillim të javës, ndërsa pastaj gradualisht do të rriten.