Eva Buzo përshkon me not brigjet detare nga Italia në Shqipëri! 92 km për 35 orë e 17 minuta

Notarja Eva Buzo ka përfunduar me sukses sfidën e saj nga brigjet e San Focca deri në Gadishullin e Karaburunit. Ajo ka prekur tokën shqiptare në një nga gjiret e Karaburunit, në afërsi të Kepit të Gjuzës.

Një udhëtim i vështirë për avokaten shqiptare, e cila, këtë sfidë e la në mes vitin e kaluar për shkak të komplikacioneve, ndërsa kësaj here rrugëtimin e ka përfunduar duke treguar një forcë fizike dhe psikologjike.

Ajo ka ndaluar shumë pak duke pirë ujë dhe udhëtimi ka qenë konstant. Nuk ka pasur asnjë problem gjatë udhëtimit prej 34 orësh .