HomeLAJMEDetaje nga operacioni i SPAK në bashkëpunim me Prokurorinë e Firences

Detaje nga operacioni i SPAK në bashkëpunim me Prokurorinë e Firences

05/02/2024

142

Një grup kriminal që trafikonte lëndë narkotike në disa shtete europiane, u godit në operacionin e koduar “Operacione Muratore” të realizuar nga SPAK në bashkëpunim me Prokurorinë e Firences dhe Kordinim me EUROJUST.

“Tashmë është e qartë që krimi i organizuar ka kaluar çdo lloj kufiri. Operacioni i sotëm tregon se pa një bashkëpunim, nuk mund të luftohet korrupsioni. Ishte një hetim i kryer nga Prokuroria e Firences dhe SPAK. Grupe kriminale që kishin shtrirë aktivitetin e tyre në të gjithë Europën, duke shpërndarë sasi të konsiderueshme të lëndëve narkotike. Janë sekuestruar në Shqipëri mbi 200 llogari bankare të personave të përfshirë dhe 30 shoqëri tregtare, 18 pasuri të paluajtshme dhe pasuri të tjera. Të gjithë trafikantë të lëndëve narkotike drejt vendeve të BE.”