Në një aktivitet të qeverisë kryeministri Mickoski tha se është koha për një shtet ku më shumë të rinj të martohen dhe të lindin më shumë fëmijë.

Ai theksoi se ky nuk është vetëm problem i Maqedonisë së Veriut, por është një sfidë e gjithë Evropës, madje edhe më gjerë.

Ai njoftoi se në vitin 2024 në Maqedoninë e Veriut lindën 16.061 fëmijë, ndërsa vdiqën 20.201 persona. Kjo, theksoi ai, është një rënie natyrore prej 4.140 personash vetëm në një vit.

“Në katër vitet e fundit kemi humbur më shumë se 33 mijë banorë, sikur të ishte zhdukur një qytet sa Kavadari apo Kërçova. Norma e lindjes ka rënë nga 12,5 për qind në vitin 2010 në vetëm 8,8 për qind në vitin 2024”, tha ai.

Ai shtoi se në shumë komuna dhe fshatra të vendit tashmë nuk ka as klasa të para dhe gjithnjë e më shumë njerëz jetojnë vetëm.

Ministria e Ekonomisë dhe Punës dhe Agjencia e Punësimit mbajtën prezantimin publik të Planit Operativ të Punësimit 2025 në Strugë. Ngjarja tërhoqi interes të madh te qytetarët, bizneset dhe institucionet lokale ndërsa fokusi kryesor ishte në masat që rrisin drejtpërdrejt punësimin dhe stimulojnë ekonominë.

Prezantimi u ndoq edhe nga ministri i Ekonomisë dhe Punës, z. Besar Durmishi, i cili tha se Qeveria po investon në qytetarët – idetë, kapacitetet dhe ambiciet e tyre.

“Ne nuk ofrojmë premtime boshe, por masa, mjete dhe mbështetje konkrete. Plani Operacional është një mjet për këdo që dëshiron të fillojë, të trajnohet më tej ose të punësohet. Qëllimi është i qartë – të krijojmë mundësi këtu “në shtëpi”, theksoi ministri Durmishi.

Plani i vitit 2025 parashikon investime prej 40 milionë eurosh, që synon më shumë se 10.000 qytetarë, ndërsa pjesëmarrja e deritanishme tregon se masat tashmë po japin efektin e dëshiruar.

Masa e praktikës siguron përfshirjen e 1.352 të rinjve deri në moshën 29 vjeç, 40 prej të cilëve përmes praktikave online. Secili pjesëmarrës do të marrë kompensim mujor prej 12.000 denarësh për një periudhë prej tre muajsh.

Punësimi i subvencionuar për ndërmarrjet mikro, të vogla dhe të mesme tashmë ka mbi 2.000 aplikime – dëshmi e interesit të lartë të sektorit privat për të marrë pjesë në krijimin e vendeve të reja të punës.

Mbështetja financiare për fillimin e biznesit tuaj është mbyllur me sukses me mbi 6.000 aplikime, ndërsa në rrjedhë është përzgjedhja e përdoruesve.

Masa 3.1 – Trajnimi te punëdhënës i njohur mbetet një nga mjetet më efikase të punësimit, duke lidhur drejtpërdrejt qytetarët me kompanitë që kërkojnë staf.
“Këto shifra nuk janë vetëm statistika – pas çdo aplikimi ka histori, shpresë dhe vendim për të bërë një hap përpara. Detyra jonë është ta mbështesim atë vendim me mjete reale”, shtoi ministri Durmishi.

Ngjarja në Strugë është pjesë e një fushate më të gjerë në terren, me të cilën Ministria dhe Agjencia e Punësimit i paraqesin masat drejtpërdrejt para qytetarëve. Vijojnë prezantimet në Gostivar, Kërçovë, Saraj, Likovë dhe komuna të tjera me shkallë të lartë të papunësisë.

Për shtatë vjet, qeveria e mëparshme mori një borxh prej 4.1 miliardë eurosh, ndërsa vetëm në katër vitet e fundit të qeverisjes së tyre, 3.3 miliardë euro, siç tregohet nga të dhënat mbi lëvizjen e borxhit publik nga viti 2017 e këndej, tha Ministrja e Financave në përgjigje të një pyetjeje parlamentare në një seancë parlamentare.

Ajo theksoi se qeveria e mëparshme ka pohuar vazhdimisht se 2 miliardë janë përdorur për masa antikrizë, megjithëse Enti Shtetëror për Revizion njoftoi se vetëm 400 milionë euro janë shpenzuar për masa antikrizë.

“Kur bëhet fjalë për borxhin publik, ju keni më pak të drejtë të flisni se kush e rriti borxhin për 3.3 miliardë, ndërsa ky është një fakt që do të tingëllojë për 30 vjet të tjera”, tha Koçoska.

Deputetët e Kuvendit të RMV-së nuk e mbështetën nismën për ndryshimit e modelit zgjedhor nga gjashtë në një njësi dhe sistem me lista të hapura të kandidatëve. Propozues i nismës, kryetarja e Partisë Liberal Demokrate Monika Zajkova gjatë prezantimit të nismës para deputetëve foli për rëndësinë e vlerësimit të secilës vote njësoj si dhe zgjedhjes së drejtpërdrejt të kandidatëve në lista të hapura. Nisma mori mbështetjen e 19 deputetëve të opozitës. Nevoja për ndryshimin e ligjit, nuk kaloi.

Sipas Zajkovës demokracia do të përparojë nëse ekziston mundësi që qytetarët të zgjedhin drejtpërdrejtë deputetin e tyre përmes listave të hapura.

“Ne jemi për atë që të ketë një njësi zgjedhore dhe të mundet edhe ata të marrin pjesë në një proces të tillë zgjedhor, të mos kemi shpenzime, të mos kemi më shumë njësi zgjedhore…të ketë një dhe të grumbullohen të gjithë votat në një njësi zgjedhore edhe të qytetarëve rezident por edhe të diasporës e cila do të dëshirojë të marrë pjesë”, deklaroi Hristijan Mickoski.

Paraprakisht nga BDI theksuan se ata mbështesin propozimin për një njësi zgjedhore me lista të hapura, por me prag zgjedhor për deputet prej 3% nga votuesit e regjistruar ose 5% prej votuesve që kanë dalë në votime.

Tetëvjeçari A.J., i cili kishte probleme shëndetësore, u largua nga vendi ku po qëndronte me të atin.

Prindi i djalit njoftoi policinë në Karposh për rastin.

Ministria e Brendshme thotë se po merr masa për gjetjen e fëmijës.

Policia po kërkon gjithashtu dy vajza, të moshës 11 dhe 14 vjeç, të cilat u zhdukën në Shkup.